صور مواتر تاخذ العقل!!!
سلام
أنا أقصد بالعنوان الصور اللي تنشرونها .. أنا ما عندي صور
مو هذا موضوعنا ..
الموضوع هو من الملاحظ ان الواحد يحط كم صورة و تتفالت عليه الردود كلها تشكرات ,, و هو يقوم بالرد و شكر اللي شكروه واحد واحد .. يعني يرد الواجب
طيب .. ليش إذا واحد حط صور لموديل سيارة معينة ما يرد عليه واحد بمعلومات عن هذا الموديل .. مثلا، سنة الصنع، مصدر الانتاج (عارفين خب ان حتى السيارات اليابانية لها مصانع في كثير من البلدان)، عدد السيارات اللي تم انتاجهم، اللون الغالب أو المحبب لهذا الموديل .. سعة و قوة المحرك، هل الجير عادي أو أتوماتيك (سمعت ان الجير يسمونه تعاشيق .. صدق؟؟!!!!)، أداء المحرك مثل سرعة الانطلاق من صفر إلى 100 في 6 ثواني .. يعني وايد في معلومات متوفرة على الإنترنت و بإمكانكم اضافتها و جعل المنتدى يكون أكثر فائدة من عرض الصور .. و الردود ما نبيها طويلة و منقولة من منتدى ثاني .. كفاية الرد يكون بمعلومة ما يتعدى طولها السطر الواحد مثل .. مثلا: هذا الموديل انتجت منه 200 سيارة فقط .. أو السرعة القصوى للمحرك 220 ك .. أو كل الموديلات 4 سلندر فقط .. و هكذا .. معلومة خفيفة و مفيدة ..
إن شاء الله وصلت الفكرة ..
و مرة وحدة حتى ما أتعب روحي .. العفو !!!!!
موضوع: صور مواتر 
الإثنين فبراير 11, 2008 5:21 pm
